ბავშვთა სტომატოლოგია

ბავშვის პირველი გამოცდილება სტომატოლოგთან განსაზღვრავს მის დამოკიდებულებას კბილის მკურნალობისადმი მთელი ცხოვრების განმავლობაში. სწორედ ამიტომ შევქმენით Children's Room-ი - ცალკე ბოქსი, რომელიც მხოლოდ ბავშვებისთვისაა და სადაც გარემო არაფრით ჰგავს კლასიკურ სამედიცინო კაბინეტს.

პირველი ვიზიტი - გაცნობითი

პირველად მოსულ ბავშვს არაფერს ვუკეთებთ ძალით. ვიცნობთ, ვაჩვენებთ ინსტრუმენტებს, ვთვლით კბილებს. ხშირად ეს პირველი შეხვედრა მთლიანად თამაშად გადაიქცევა - და სწორედ ეს არის მიზანი.

სიგელი და საჩუქარი

ყოველი ვიზიტის ბოლოს ბავშვი იღებს სიგელს, ხოლო როცა ის შეაგროვებს 10 ცალს, მას გადაეცემა საჩუქარი. ეს პატარა რიტუალი ვიზიტს სასჯელის ნაცვლად გართობად აქცევს.

რას ვმკურნალობთ

• რძის კბილების კარიესი და მისი გართულებები
• პროფილაქტიკური ჰერმეტიზაცია (ფისურების დალუქვა)
• ფტორირება და რემინერალიზაცია
• ბავშვთა ქირურგია - რძის კბილის ამოღება
• ადრეული ორთოდონტიული კორექცია
• ბავშვთა ორთოპედია